न्यायदृष्ट्या शब्दशक्तिविचारः
पुरुषार्थसाधनोपदेशस्वभावपराः भारतीयशास्त्रशाखाः शास्त्रपूर्वके धर्मप्रयोगे अत्यन्तमुन्मुखाः भवन्ति। शब्दस्य सम्यग्ज्ञानेन प्रयोगेण ऐहिकामुष्मिकाभ्यां अभ्युदयनिः श्रेयसलब्धिः। अत एव भाष्यकारेण पतञ्जलिना उक्तम् "एकः शब्दः सम्यक् ज्ञातः सुप्रयुक्तः स्वर्ग लोके कामधुक् भवति" इति। शब्दव्यापारविषये भारतीयसिद्धान्तेषु मध्ये विभिन्नाः वादाः विद्यन्ते। नैय्यायिकानां शब्दशक्तिविषये कोऽभिप्रायः इत्यत्र विचार्यते।